Për një javë në Maqedoni për 27.3 për qind është zvogëluar numri i rasteve të reja me Covid-19

13:21 | 7 Shtator 2021
Arditë Shkodra

Siç njoftojnë nga Instituti për Shëndet Publik nga periudha 30.08 deri më 05.09 ka pasur 38.587 materiale të testimit që është për 5.6% më pak se java e kaluar.

Gjatë kësaj periudhe janë regjistruare 4.623 raste të reja në 34qytete dhe për 27.3% ka më pak raste se javën e kaluar, ndërsa përqindja e rezultimit pozitiv lëviz nga 7.8% deri në 15.1 ose mesatarisht 11.7%.

Prej rasteve të reja më të prekur janë të moshuarit mbi 60 vjet ose 1.379, ndërsa më pak është te fëmijët nga 0-9 vjet ose 85 raste. Sa i përket gjinisë, 2.209 janë burra dhe 2.413 janë gra.

Gjatë javës së kaluar janë shëruar 3.724 persona që është një rritje prej 17% në krahasim me javën e kaluar, ndërsa vdekje ka pasur gjithsej 194 në 22 qytete ku më së shumti ka në Shkup, Tetovë, Gostivar dhe Kumanovë.

Shpërndaje në rrjete sociale

Lajmet më të lexuara

Të ngjashme

Foto lajm