Kosova sot mbanë stërvitjen e fundit para ndeshjes me Greqinë

15:00 | 4 Shtator 2021
A. B.

Përfaqësuesja e Kosovës do ta zhvillojë ndeshjen e katërt për kualifikime për Kampionatin Botëror ‘Katari 2022’.

Pas dy humbjeve radhazi, Dardanët morën tri pikë të mëdha në udhëtim te Gjeorgjia, duke u vendosur në vendin e tretë.

Në ndeshjen e katërt, Kosova do të përballet me Greqinë të dielën në stadiumin ‘Fadil Vokrri’ me fillim nga ora 20:45.

Ndërkohë sot trajneri Bernard Challandes do ta mbajë stërvitjen e fundit me futbollistët për tu përgatitur për këtë takim.

Fillimisht mysafirët nga Greqia do të dalin në konferencë për media me fillim nga ora 17:30, pastaj nga ora 18:00 do të mbajnë stërvitjen.

Ndërkohë Kosova do të fillojë konferencën nga ora 19:00 derisa stërvitja do të mbahet nga ora 19:30 në stadiumin ‘Fadil Vokrri’. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm