Hollanda mbështet vazhdimin e evakuimeve nga Kabuli

00:33 | 3 Shtator 2021
Trina Galanxhi

Qeveria holandeze dëshiron të mbështesë Turqinë dhe Katarin në përpjekjet e tyre për të rihapur aeroportin në Kabul në mënyrë që të vazhdojë evakuimin nga Afganistani.

Këtë e ka deklaruar Ministri i Punëve të Jashtme në Holandë, Sigrid Kah, transmeton portal arbresh.info

Ministri Kah tha se Holanda është e gatshme të sigurojë një milion euro për financim, dhe nëse është e nevojshme, staf, për përpjekjet për të rinovuar fluturimet e evakuimit, raporton Reuters.

Kah ishte në Ankara për bisedime diplomatike dhe deklaratat e saj, të cilat u botuan fillimisht nga agjencia holandeze e lajmeve ANP, u konfirmuan më vonë nga asistenti i Ministrisë së Punëve të Jashtme në Hollandë.

Ministri i Jashtëm i Katarit Sheikh Mohammed bin Abdulrahman Al-Thani tha sot se vendi i tij është në bisedime me talebanët dhe Turqinë, për shkak të mbështetjes së mundshme teknike për rifillimin e operacioneve në aeroportin në Kabul./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm