I dërguari Special i Bashkimit Evropian për dialogun Kosovë-Serbi, Miroslav Lajçak, ka njoftuar se sot do të takohet me kryeministrin e Kosovës, Albin Kurtin dhe presidentin e Serbisë, Aleksandër Vuçiq.
Lajçak ka bërë të ditur se takimet do t’i zhvillojë ndarasi në Bled të Sllovenisë, ku po mbahet Forumi Strategjik dhe po marrin pjesë zyrtarë të lartë të BE-së, kryeministra dhe presidentë të shteteve të ndryshme, shkruan Tanjug.
Përfaqësuesi Special i BE-së për dialogun ka thënë se çdo bisedë është e nevojshme, sepse ka gjëra të reja që ndodhin çdo ditë.
“Ne duhet të pajtohemi në atë se si ta përgatisim takimin e kryenegociatorëve, temat dhe çështjet e takimit. Jeta vazhdon dhe ne duhet t’i ndjekim zhvillimet”, ka thënë Lajçak.
Në Bled të Sllovenisë janë duke marrë pjesë edhe kryeministri i Shqipërisë, Edi Rama dhe ai i Maqedonisë së Veriut, Zoran Zaev.
Arbresh.info ka kontaktuar zëdhënësin e Qeverisë, Përparim Kryeziun për informacione shtesë për takimin në Bled të Sllovenisë po i njëjti nuk është prononcuar. /arbresh.info/
Kurti për “Financial Times”: Do të punoja me këdo në Shtëpin...
Rodri mund të ketë nevojë për operim, pritet të humbasë gjit...
Sveçla: Përgjegjësia për vrasjen e heroit Afrim Bunjaku ësht...
Marina Vjollca rikthehet në Top Channel, nën moderimin e emi...
Krasniqi viziton familjen e Afrim Bunjakut: Ishte një simbol...
IKD: KPK të garantojë transparencë në Draftrregulloren për k...