Studiuesit publikuan një indeks të ushqyerit këtë javë me qëllim të informimit në lidhje me udhëzimet për një dietë më të shëndetshme dhe më të qëndrueshme për mjedisin.

Studimi renditi ushqimin sipas minutave që marrim ose zbresim nga jetëgjatësia, duke konsumuar ushqime të caktuara, transmeton portal arbresh.info

Gjetjet përfshijnë më shumë se 5,000 ushqime në menutë e amerikanëve që klasifikohen sipas ndikimit të shëndetit dhe ndikimit në mjedis.

Pijet me sheqer, hot dog, hamburgers dhe sanduiçe për mëngjes lidhen me shumicën e minutave të humbura të një jete të shëndetshme, ndërsa frutat, perimet e përziera me niseshte, drithërat e gatshme dhe drithërat e gatuara shoqërohen me përfitimet më të mëdha.

Studiuesit zbuluan se konsumimi i një porcioni prej 85 gram krahësh pule zgjat 3.3 minuta të jetës, për shkak të proporcionit të natriumit dhe acideve yndyrore, ndërsa një hot dog shkurton jetën për 36 minuta, për shkak të mishit të përpunuar.

Nga ana tjetër, një sanduiç me gjalpë kikiriku shoqërohet me një rritje të jetëgjatësisë prej 33 minutash. Ushqimet si kikirikët, salmoni dhe orizi shoqërohen me zgjatjen e jetëgjatësisë me 10 deri në 15 minuta.

Studiuesit nga Universiteti i Miçiganit ose Departamenti i Shkencës së Mjedisit publikuan gjetjet në revistën Nature.

Studiuesit gjithashtu e kanë klasifikuar ushqimin sipas ndikimit të tij ushqimor dhe mjedisor. Ushqimet e shëndetshme dhe të qëndrueshme ndaj mjedisit përfshinin arra, fruta, perime, bishtajore, drithëra dhe disa ushqime deti, ndërsa ushqimet me vlerë të ulët ushqyese u shoqëruan me efekte të dëmshme në mjedis (viçi, mishi i përpunuar, derri, qengji, djathi dhe pjata të caktuara nga salmoni).

Në të kundërt, shumica e shpendëve, produkteve të qumështit, ushqimeve me bazë veze dhe drithërave të gatuar ranë në zonën e mesme.

Ne fund, studiuesit zbuluan se zëvendësimi i 10 përqind të marrjes ditore të kalorive nga mishi i përpunuar, mund të zëvendësohet me perime, arra, bishtanjore dhe ushqime të caktuara deti, të cilat kanë përfitime të mëdha shëndetësore./arbresh.info/