Google ADS

Haziri thotë se gjendja me COVID-19 është alarmante

00:46 | 23 Gusht 2021
Trina Galanxhi

Kosova po përballet me valë tjetër të koronavirusit.

Kryetari i Komunës së Gjilanit Lutfi Haziri u ka bërë thirrje qytetarëve të kësaj komune që të vaksinohen, duke e parë këtë si mënyra e vetme e parandalimit të infeksionit koronavirusit.

Apeli i kreut të Gjilanit vjen në kohën kur kjo komunë ka të regjistruara 1416 raste aktive, 91 pacientë po trajtohen në Spitalin e Përgjithshëm.

Ai këtë kërkesë e ka bërë në llogarinë zyrtare të tij në ‘Facebook’.

“Gjendja me COVID-19 në komunën tonë, sikur edhe në tërë Kosovën, është alarmante. Ju lutem shumë që të vaksinoheni në mënyrë masive sepse është e vetmja mënyrë parandalimit të infeksionit me COVID-19. Po ashtu, apeloj që t’i zbatoni masat kundër përhapjes së këtij virusi”, shkroi ai në Facebook.

Që nga shpërthimi i epidemisë me koronavirus në Gjilan janë regjistruar 8.141 raste pozitive, prej tyre 6.672 janë shëruar, derisa 152 nga ta e kanë humbur betejën.

Shpërndaje në rrjete sociale

Lajmet më të lexuara

Të ngjashme

Foto lajm