Google ADS

Koeman e kritikoi që po kërkon më shumë para, talenti Barçës shumë afër Leipzig

08:58 | 21 Gusht 2021
A. B.

RB Leipzig është duke bërë të pamundurën të nënshkruajë me talentin e Barcelonës, Ilaix Moriba, raporton Marca.

Lojtari i rritur në akademinë e “blaugranave” mbetet i izoluar dhe nëse nuk hedh të zezën mbi të bardhë do të qëndrojë në tribunë derisa t’i përfundojë kontrata.

“E di nga klubi se çfarë dëshiron t’i ofrojë këtij lojtari. Këshilla ime është se paratë nuk janë gjëja më e rëndësishme, duhet të luash sa më shumë ndeshje, por lojtari dhe njerëzit pranë tij kanë vendosur ndryshe. Unë jam i zhgënjyer nga kjo situatë. Besoj më shumë në gjërat e futbollit sesa te kontratat. Në moshën 18-vjeçare, paratë nuk mund të jenë kaq të rëndësishme”, tha dje Ronald Koeman

Derisa tani raportohet se Leipzig ka nisur kontaktet me personat e duhur për ta transferuar 18-vjeçarin që nuk po pranon të rinovojë me Barçën.

Ai mund të përfundojë duke luajtur në Bundesliga, pasi edhe Barcelona ka nevojë për para. /GE/

Shpërndaje në rrjete sociale

Lajmet më të lexuara

Të ngjashme

Foto lajm