Ekrem Hyseni, kandidat i LDK-së për kryetar të Podujevës

14:04 | 18 Gusht 2021
S D

Lidhja Demokratike e Kosovës ka njoftuar se kandidat i tyre për kryetar të Komunës së Podujevës është Ekrem Hyseni.

LDK përmes një njoftimi për media thotë se Rajoni i Llapit ka qenë bastion i fuqishëm i tyre, prandaj besojnë në fitore në zgjedhjet e 17 tetorit.

“Kryetari i LDK-së, Lumir Abdixhiku takoi strukturat e LDK-së në Podujevë. Rajoni i Llapit tradicionalisht ka qenë bastion i fuqishëm i Lidhjes Demokratike, andaj në zgjedhjet e 17 tetorit jemi të bindur në fitoren e madhe në Podujevë. Qyteti i bukur i Podujevës, ka qenë dhe do të mbetet kala e pamposhtur e LDK-së.

Në takimin me strukturat u diskutua edhe për organizimin dhe mobilizimin e pashoq që kanë udhëheqja lokale atje, në krye me Doktorin dhe kryetarin e ardhshëm, Ekrem Hysenin”, thuhet në njoftimin e bërë për media./arbresh.info/

Zgjedhjet lokale do të mbahen më 17 tetor.

Shpërndaje në rrjete sociale

Lajmet më të lexuara

Të ngjashme

Foto lajm