Ish -ylli i Borussia Dortmund dhe Bayern Munich, Michael Rummenigge beson se Liverpooli do të ishte lëvizja ideale për Erling Haalandin.

Sulmuesi 21-vjeçar është një nga emrat më të nxehta të futbollit evropian që ka mesatarisht rreth një gol për ndeshje në dy sezonet e fundit.

Haaland ka shënuar 57 gola në 59 ndeshje për Borussia Dortmundin që kur iu bashkua atyre në afatin kalimtar të janarit 2020 nga Red Bull Salzburg.

“Po. Ata [Haaland dhe Mbappé] mund të arrijnë më lartë. Ne do të duhet të presim dhe të shohim se ku shkon ai pas këtij sezoni”.

“Reali dhe Barça kanë probleme financiare, kështu që unë mund ta imagjinoja që ai të transferohej në Angli. Babai i tij gjithashtu ka luajtur atje. Unë mund ta imagjinoj Haalandin te Liverpooli”, ka thënë Rummenigge.

Tutje ai flet për përparësitë e sulmuesit norvegjez, duke thënë që Borussia ka një epërsi të madhe në fushë me të.

“Haaland është një fenomen i jashtëzakonshëm. Një lojtar i tillë vjen çdo 30 ose 40 vjet”.

“Unë nuk e di se cilat janë planet e tij të karrierës, por për Dortmundin është mirë që ai ende vesh fanellën e zezë dhe të verdhë këtë sezon”.

“Ai është një makinë golash, kundërshtarët e tij fluturojnë në të djathtë dhe të majtë kur ai fillon të vrapojë. Unë kurrë nuk kam parë diçka si ai në atë moshë”.

“E vetmja pengesë në madhësinë e tij janë golat me kokë. Ai nuk shënon gola të mjaftueshëm. Përndryshe, Haaland është një lojtar perfekt”, ka thënë Rummenigge për Sport1.