Vitia thërret në takim krerët e institucioneve shëndetësore, priten masa të reja anti-Covid

14:39 | 17 Gusht 2021
Përparim Bublaku

Ministri i Shëndetësisë, Arben Vitia, ka thirrur takim me krerët e institucioneve shëndetësore në Kosovë, për të diskutuar për zbatimin e masave anti-Covid, dhe vendosjen e masave të reja.

Në njoftimin e MSh-së nuk është treguar ora se kur do të mbahet takimi.

“Ministri i Shëndetësisë i Republikës së Kosovës, z. Arben Vitia ka ftuar për sot në takim krerët e institucioneve shëndetësore të vendit dhe hisedarët në zbatimin e masave kundër COVID-19.
Në këtë takim do të diskutohet për situatën epidemiologjike në vend dhe ndërmarrjen e masave të tjera anti COVID-19”, thuhet në njoftim.

Qeveria e Kosovës javën e kaluar ka miratuar disa masa të reja pas rritjes së numrit të rastëve me Covid-19. Ato hyn në fuqi nga data 20 gusht./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm