Google ADS

Kosova e 13-ta në Evropë për nga rastet me Covid-19 në shtatë ditët e fundit

16:28 | 15 Gusht 2021
KRG

Java e fundit në Kosovë ka shënuar rritje rekord të rasteve me koronavirus që nga fillimi i këtij viti.Vetëm gjatë ditës së djeshme, janë shënuar 1370 raste dhe një vdekje, shifra më e lartë që nga fillimi i vitit.

Në bazë të disa statistikave të publikuara nga “statista.com”, rezulton se në raportin e publikuar më 13 gusht 2021, Kosova renditet e 13-ta për nga numri i rasteve pozitive me COVID-19.

Mesatarja gjatë periudhës shtatë ditore në Kosovë është 201,3 për 100,000 banorë, shkruan lajmi.net.

Gjeorgjia kishte shkallën më të lartë të rasteve me 799,1 për 100,000 banorë, duke lënë pas Qipron dhe Malin e Zi.Ndërkohë që nga shpërthimi i pandemisë, Rusia ka qenë vendi më i prekur në Evropë me mbi 6.4 milionë raste që nga 8 gushti.

Tash kur numri i rasteve me COVID-19 në Kosovë është rritur, po bëhet vazhdimisht thirrje për vaksinim.

Në raportin e fundit të Ministrisë së Shëndetësisë, bëhet e ditur se janë regjistruar 4 viktima dhe 1 mijë e 96 raste të reja me COVID-19.

Shpërndaje në rrjete sociale

Lajmet më të lexuara

Të ngjashme

Foto lajm