Google ADS

Rritet numri i viktimave, pamje nga pasojat e vërshimeve në Turqi

14:03 | 14 Gusht 2021
A Z

Ka shkuar në 44 numri i viktimave të vërshimeve në pjesën veriore të Turqisë, ndërsa familjarët e të zhdukurve po e përcjellin në ankth punën e ekipeve të kërkim-shpëtimit.

Nga pamjet e siguruara nga agjencia Reuters shihen dëme masive në qytezën Bozkurt, në bregdetin e Detit të Zi, ku ekipet emergjente po kërkojnë për njerëz nën rrënojat e ndërtesave.

Në një ndërtesë të shembur afër bregut të një lumi besohet se dhjetë persona ndodhen nën rrënoja, shkruan Reuters.

“Kjo është e pashembullt. Nuk ka rrymë. Telefonat nuk punojnë. Nuk merr lajme nga askush”, tha banori Ilyas Kalabalik.

Ai ishte i rrethuar nga banorë të tjerë, të cilët po e pyesnin njëri-tjetrin për ndonjë lajm rreth të zhdukurve.

 

 

Shpërndaje në rrjete sociale

Lajmet më të lexuara

Të ngjashme

Foto lajm