Kina mbyll pjesërisht një nga portet kryesore të botës

19:47 | 13 Gusht 2021
A. B.

Kina ka mbyllur një pjesë të njërit prej porteve më të rëndësishëm në botë për shkak të COVID-19, në një kohë kur ndërprerjet në transportin logjistik tashmë po rëndojnë shumë në zinxhirët e furnizimit. Porti i Ningbo-Zhoushan, 250 kilometra në jug të Shangait, është një nga portet kryesore kineze për mallra.

Vitin e kaluar, 1,2 miliardë tonë mallra kaluan përmes portave të këtij porti, i treti më i madh në botë përsa i përket transportit. “Që nga zbulimi të mërkurës i një rasti me COVID-19 midis punonjësve, “aktiviteti u ndal menjëherë dhe zona u mbyll”, tha Jiang Yipeng, një menaxher operacionesh i terminalit Meishan.

Mbyllja e një terminali në portin Ningbo-Zhoushan rrezikon të përkeqësojë më tej situatën e transportit detar, nën presion të rëndë globalisht për shkak të kufizimeve shëndetësore dhe rimëkëmbjes ekonomike, që ka rritur kërkesën për mallra.

Shpërndaje në rrjete sociale

Lajmet më të lexuara

Të ngjashme

Foto lajm