Mbi 2 mijë të infektuar me covid-19 në Korenë e Jugut brenda 24 orëve

08:34 | 11 Gusht 2021
A. B.

Koreja e Jugut ka raportuar mbi 2,200 raste në 24 orë, numri më i lartë i të infektuarve që nga fillimi i pandemisë, sipas një deklaratë të ministrit të shëndetësisë Kwon Deok-cheol, ndërsa vendi po përballet me shpërthimin më të rëndë të koronavirusit.

Pavarësisht masave të marra, rastet janë rritur për shkak të përhapjes së variantit më të transmetueshëm Delta, tha Kwon. Ai gjithashtu vuri në dukje rritje të rasteve asimptomatike brenda komuniteteve të tilla si vendet e punës, palestrat, kishat dhe azilet, shkruan bbc.

Koreja e Jugut po lufton që nga korriku për të mbajtur në kontroll shpërthimet sporadike të Covid, të cilat fillimisht janë raportuar në pjesën perëndimore të Seulit por që tani janë përhapur në të gjithë vendin. /arbresh.info

Shpërndaje në rrjete sociale

Lajmet më të lexuara

Të ngjashme

Foto lajm