Google ADS

Pakistan, regjistrohen 5.661 raste të reja me COVID-19

00:47 | 6 Gusht 2021
Trina Galanxhi

Pakistani konfirmoi 5.661 raste të tjera me koronavirusin e ri (COVID-19), nga 4.722 të raportuara një ditë më parë, bëri të ditur Ministria e Shëndetësisë e këtij vendi, transmeton Anadolu Agency (AA).

Shifra, e cila është më e larta që nga 23 prilli kur ministria konfirmoi 5.908 infeksione të reja, e çoi numrin e përgjithshëm të rasteve në 1.05 milion. Ka edhe 60 vdekje të reja, duke e çuar numrin e përgjithshëm të vdekjeve në 23.635.

Rastet e larta, të nxitura nga lloji shumë i transmetueshëm Delta, e kanë vënë infrastrukturën shëndetësore të vendit nën presion ekstrem.

Kërkesa e re për certifikatat e vaksinimit, megjithatë, ka çuar në nxitimin e njerëzve që kërkojnë të vaksinohen.

Gjatë 24 orëve të fundit, një rekord prej 1.158 milion doza të vaksinave u administruan në të gjithë vendin. Gjithsej, mbi 34 milionë doza janë dhënë, por vetëm 7 milionë nga mbi 200 milionë njerëz të vendit janë plotësisht të vaksinuar.

Shpërndaje në rrjete sociale

Lajmet më të lexuara

Të ngjashme

Foto lajm