Shpërthimi i bombolës në Velipojë, pas dy vajzave ndërron jetë edhe nëna

12:36 | 2 Gusht 2021
A Z

Ka shkuar në tre numri i viktimave nga ngjarja e rëndë e ndodhur në Velipojë ku shpërtheu një bombol gazi në hotelin e familjes Gjoka.

Pas dy vajzave Danjela dhe Klarisa Gjoka, 19 dhe 15-vjeç, ka ndërruar jetë dhe nëna, 40-vjeçarja Alketa Gjoka. Ajo nuk arriti t’i mbijetojë plagëve të marra dhe ka ndërruar jetë në spital në Itali ku ishte dërguar për mjekim më të specializuar.

I vetmi i mbijetuar i kësaj familje është djali i mitur Enrik Gjoka 12 vjeç, i cili ndodhet në spital. Familja Gjoka jetonte në Itali, por ishin kthyer në Velipojë për të përgatitur hotelin me nisjen e sezonit turistik.

Kujtojmë se ngjarja e rëndë ndodhi mëngjesin e 4 korrikut në hotelin 3 katësh në pronësi të kësaj familje. Në momentin kur ndodhi ngjarja nuk ka pasur turistë në hotel.

Të plagosurit fillimisht u dërguan në Tiranë, por më përkeqësimin e gjendjes shëndetësore si pasojë e djegieve të rënda u dërguan në Itali./abcnews/

Shpërndaje në rrjete sociale

Lajmet më të lexuara

Të ngjashme

Foto lajm