Google ADS

Gjuriq: Serbia ka treguar përkushtim në dialog, pavarësisht mesazheve nga Prishtina

09:57 | 30 Korrik 2021
V. S.

Ambasadori i Serbisë në SHBA, Marko Gjuriq gjatë një takimi me kongresmenët demokratë Bill Keating dhe Gary Connolly i ka informuar ata për situatën në dialogun Kosovë-Serbi.

Gjatë takimit siç raporton Tanjug, ai përcolli siç thuhet “shqetësime serioze në lidhje me numrin në rritje të incidenteve dhe sulmeve ndaj serbëve dhe pronës së tyre, si dhe pasurive kishtare dhe kulturore në Kosovë”.

“Pavarësisht mesazheve dekurajuese që vijnë nga Prishtina, ekipi ynë, i udhëhequr nga presidenti Aleksandar Vuçiq dhe Drejtori i Zyrës Qeveritare për Kosovën Petar Petkoviq, do të vazhdojë të avokojë për stabilitet dhe respekt për çdo marrëveshje”, tha ai.

“Beogradi ka dëshmuar, brenda dhe jashtë, se e mban fjalën dhe se palë negociuese që i besohet”, shtoi ai./lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm