MSH Maqedoni vendos masa për shkak të temperaturave të larta, lirohen nga puna gratë shtatzëna dhe të moshuarit

09:07 | 28 Korrik 2021
V. S.

Ministria e Shëndetësisë njofton se për shkak të paralajmërimit të Drejtorisë për Punë Hidrometeorologjike, gjatë pesë ditëve të ardhshme Maqedonia do të përfshihet në temperatura të larta 29.07 – 01.08 dhe do të ndodhet në fazën e portokalltë. Për këtë fazë, siç sqarojnë nga MSH, vlejnë rekomandime për uljen e rreziqeve nga temperaturat e larta për personat që ndodhen në hapësirë të hapur, shtëpi, në vendet e punës, në liqene, lumenj, pishina ose në mal.

Këto janë rekomandimet:

Lirimi nga puna për grupet më të rrezikuara siç janë gratë shtatzëna dhe personat mbi 6 vjet

Në çerdhe të mos praktikohet aktiviteti fizik dhe të mos nxirren fëmijët në hapësira të hapura nga ora 11:00 deri në ora 17:00

Njësitë e vetëqeverisjes lokale, Kryqi i Kuq dhe Qendrat për Punë Sociale të kenë qasje më aktive dhe të japin ndihmë të vetmuarve, të moshuarve dhe të pastrehëve./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm