Militantët e Shtetit Islamik thuhet se janë duke u zhvendosur tek uebfaqet me IP adresa të fshehura si një mënyrë për të mbrojtur identitetin dhe përmbajtjen e tyre pasi qindra uebfaqe dhe llogari në Twitter janë rrëzuar nga hakerët për shkak të sulmit terrorist që ndodhi javën e kaluar në Paris.
Pasi sulmi terrorist të premten e kaluar në Paris la të vdekur të paktën 130 persona, grupi i hakerëve Anonymous lansoi një operacion #OpParis për të luftuar Shtetin Islamik në hapësirën kibernetike derisa hakerët e quan këtë si fushata e tyre më e madhe deri tani, transmeton arbresh.info. Kjo duket të jetë një eskalim i fushatës #OpISIS të grupit, i cili është lansuar në muajin janar pasi xhihadistët hapën zjarr në zyrat e revistës satirike Charlie Hebdo në Paris.
Arbresh.info së fundmi ka njoftuar që grupi Anonymous ka sulmuar edhe 20.000 llogari në Twitter në lidhje e militantët e Shtetit Islamik derisa hakerët pretendohet gjithashtu se kanë rrëzuar edhe disa uebfaqe të ISIS-it, përfshirë një faqe rekrutimi për terroristët.
ISIS është duke kërkuar për mbrojtje ndaj këtyre sulmeve kibernetike dhe për këtë qëllim thuhet se është tërhequr në “dark web”, një pjesë e uebit që mund të ofrojë qasje vetëm me një softuer të veçantë për të mbetur anonim, që më i famshmi prej tyre është Tor.
Telegram, platforma që ISIS mendohet se ka përdorur për të koordinuar planin e fundit në Paris, ka bllokuar së fundmi 78 kanale të ISIS-it në 12 gjuhë. Megjithatë, Pavel Durov, themeluesi i kësaj platforme, kishte deklaruar se kishte njohuri që militantët e ISIS-it ishin duke përdorur aplikacionin për mesazhe para se të ndodhe sulmi në Paris./arbresh.info
Ministri Maqedonci thirrje të rinjve që të aplikojnë në FSK:...
“Mashtrimet nëpërmjet internetit”, Policia del me njoftim si...
PDK kërkon seancë për shkarkimin e bordit të RTK-së
Shqiptarët e nisin protestën në Preshevë për shkelje nga Ser...
Presidenti Begaj takohet me të Dërguarin e Posaçëm të Kryemi...
Tahiri: Kosova është në listë të zezë për ndërkombëtarët