Google ADS

Pamje nga brenda kamionit të zjarrfikësve në ShBA i rrethuar nga zjarret

15:28 | 23 Korrik 2021
A. B.

Zjarrfikësit amerikanë kanë publikuar pamje dramatike të vozitjes së tyre me kamion nëpër një zjarr të madh në natyrë në Kaliforninë Veriore.

Në video shihen flakët gjithandej përreth kamionit. Zjarri “Tamarack” filloi më 4 korrik dhe besohet se deri më tani ka djegur mbi 20.000 hektarë tokë, shkruan BBC.

Zjarrfikësit që shihen në kamion ishin duke ndërhyrë për t’i shpëtuar shtëpitë e rrethuara nga zjarri i madh. Për fat të mirë, asnjëri prej tyre nuk pësoi lëndime apo djegie. Zjarri besohet se u shkaktua nga rrufeja.

Në javët e fundit, pjesa perëndimore e Shteteve të Bashkuara dhe pjesa perëndimore e Kanadasë janë përballur me temperatura të larta, thatësi e zjarre. Në disa vende madje janë qindra të vdekur nga vapa.

Ekspertët thonë se ngjarjet e motit ekstrem po nxiten nga ndryshimet klimatike dhe kanë bërë thirrje për masa të menjëhershme për ta mbrojtur klimën.

Shpërndaje në rrjete sociale

Lajmet më të lexuara

Të ngjashme

Foto lajm