Google ADS

Edhe BDI do ta mbështesë Rezolutën për “linjat e kuqe”, por vetëm nëse shkruan “Maqedonia e Veriut”

16:33 | 21 Korrik 2021
A. B.

Bashkimi Demokratik për Integrim do të mbështesë Rezolutën për linjat e kuqe në bisedimet me Bullgarinë, por vetëm nëse përdoret emri kushtetues.

Bujar Osmani thotë se një Rezolutë që nuk ka emrin kushtetues, në ka edhe formë juridike, ndërsa më herët kryeministri Zoran Zaev kushtëzoi mbështetjen ndaj rezolutës me përdorim të emrit kushtetues.

“Nuk them se Rezoluta do të mund të bëjë dëm, por duhet të jemi të kujdesshëm dhe për këtë shkak si ministër kërkoj të kemi vëmendje. Qëndrimet që ndodhen në atë rezolutë janë qëndrime që MPJ dhe Qeveria i kanë si qëndrim në strategjinë e tyre. Por, e rëndësishme është që Kuvendi të ketë konsensus dhe të mos hapen tema shtesë që mund ta dëmtojnë procesin”, tha Osmani.

Ndryshe, kryetari i Kuvendit, Talat Xhaferi në foltoren e kuvendit tha se Rezoluta e propozuar e OBRM-PDUKM-së është pranuar në kuvend dhe se materialet do të dërgohen te deputetët./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm