Një 16-vjeçar ka vdekur mbrëmë pasi që ka rënë në vrimën e ashensorit në një objekt që ishte në ndërtim e sipër në Gjakovë.
Zëdhënësi i Policisë së Kosovës për Rajonin e Gjakovës, Nysret Gjurkaj ka thënë për arbresh.info se 16-vjeçari ka rënë nga kati i gjashtë i objektit.
Viktima së bashku me dy shokë kishin hipur në objektin i cili ishte në ndërtim e sipër për të konsumuar cigare.
Objekti ishte i pasiguruar, pa rrethoja të shkallëve dhe në një moment viktima nga kati më i lartë ka rënë në hapësirën që ishte e dedikuar për ashensor.
“Me datë 15.07.2021, para mesnate, në rrugën ‘Ali Pashë Tepelena’ -Gjakovë, viktima e moshës 16 vjeçar së bashku me dy shokë kishin hipur në një objekt gjashtë (6) kate i cili ishte ne ndërtim e sipër për te konsumuar cigare. Objekti ishte i pasiguruar, pa rrethoja të shkallëve dhe në një moment viktima nga kati më i lartë ka rënë në hapësirën që ishte e dedikuar për ashensor, ku fillimisht viktima kishte pësuar lëndime të rënda trupore më pastaj i njëjti është dërguar me ane te ndihmës se shpejte ne emergjencën e spitalit “Isa Grezda”-Gjakovë ku rreth orës 00:30 ka ndërruar jetë. Rastit ju kane përgjigjur te gjitha njësitë relevante policore dhe Prokurori i Shtetit dhe me urdhër te tij trupi i pa jete dërgohet ne obduksion. Rreth orës 03:00 kane arritur ekipi i mjekësisë ligjore ku e kanë marrë trupin e pajete dhe janë nisur ne drejtim te institutin e mjekësisë ligjore. Rasti në vijimësi te hetimeve”, tha Gjurkaj./arbresh.info/
Haradinaj viziton Obiliqin, thotë se do të krijojë mjedis të...
Gërvalla takon shefin e ri të Zyrës së BE-së në Kosovë, amba...
Afrim Tovërlani përzgjedh 11-shen ndaj Estonisë
Bisedat e Dejona Mihalit dhe Nagip Krasniqit, LDK-ja kërkon ...
Tuchel në bisedime për të marr drejtimin e kombëtares së Ang...
Britania e Madhe shpreh shqetësim për stërvitjet ushtarake t...