Një vraje ka ndodhur në orët e mbrëmjes në fshatin Gadime të Lipjanit.

Sipas Policisë së Kosovës rasti ka ndodhur rreth orës 22:00.

Agron Borovci nga Policia Rajonale e Prishtinës, për arbresh.info, ka thënë se deri të vrasja ka ardhur si rezultat e një mosmarrëveshje mes disa përsoanve, ku edhe disa kanë mbetur të lënduar.

“Rreth orës 22:00, policia ka marrë informatën për një vrasje të ndodhur ne rrugën ” 6 Maji ” në fshatin Gadime në Lipjan.
Menjëherë pas marrjes së informatës policia ka dalë në vendin e ngjarjes duke ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen.
Nga informacionet e para janë ngritur dyshimet se një mosmarrëveshje mes disa personash ka rezultuar me vrasje të një personi, ndërkohë që dyshohet edhe për disa të lënduar”, ka thënë Borovci.

Ai ka bërë të ditur se për këtë rast është arrestuar një i dyshuar.

“Policia ka arrestuar një person si të dyshuarin kryesor si dhe ka sekuestruar një armë që dyshohet të jetë arma e përdorur në rast.
Aktualisht po vijon faza fillestare e ndërmarrjes së veprimeve hetimore dhe atyre të ekzaminimit të vendngjarjes në funksion të ndriçimit të plotë të këtij rasti”, ka thënë Borovci./arbresh.info/