Google ADS

Mourinho “blindon” portën, portugezi Rui Patricio, në Romë për 11 milion euro

07:34 | 14 Korrik 2021
S D

Ish-portieri i Wolverhamptonit nuk do të bashkohet menjëherë me skuadrën që ka nisur përgatitjet nën urdhrat e Mourinhos, por do të qëndrojë disa ditë pushim.

Portieri Rui Patricio ka zbritur në Romë, pas një fluturimi nga Lisbona dhe do të jetë blerja e parë e “epokës Mourinho” në merkaton verore të verdhe-kuqve. Ish-gardiani i Wolverhamptonit, transferohet në kryeqytetin italian për 11 milionë euro plus bonuset.

Ai sot do të kryejë ekzaminimet mjekësore dhe më pas do të nënshkruajë kontratë trevjeçare, një me pagë 3 milionë euro në sezon. Marrëveshja me Wolverhamptonin parashikon, që klubi roman do të nisë shlyerjen e shumës duke nisur nga viti 2022, kur të ketë mbledhur paratë nga shitja e Pau Lopez te francezët e Marseille.

Rui Patricio nuk do të bashkohet menjëherë me pjesën tjetër të grupit, që tashmë kanë nisur përgatitjet nën urdhrat e Mourinhos, por do të qëndrojë disa ditë pushim nga që ka qenë i angazhuar me Portugalinë në “Euro 2020”.

Shpërndaje në rrjete sociale

Lajmet më të lexuara

Të ngjashme

Foto lajm