Futbollistët e Anglisë do të dhurojnë për bamirësi premion, nëse fitojnë sonte ndaj Italisë

18:25 | 11 Korrik 2021
KRG

Sonte (e diel) do të zhvillohet finalja e madhe e Kampionatit Evropian, ku takohen dy kombëtaret që nuk e kanë shijuar humbjen ende.

Në finalen e “Euro 2020” do të takohen Italia dhe Anglia. Italianët e kërkojnë titullin e kampionit të Evropës për herën e dytë, kurse anglezët për herë të parë.

Mediat angleze kanë raportuar sot se futbollistët anglezë do të fitojnë 9.4 milionë sterlina në formë të bonuseve, nëse triumfojnë sonte ndaj italianëve.

Megjithatë, “Tre Luanët” kanë vendosur që bonuset e tyre t’i dhurojnë për shoqatat bamirësisë të NHS (Shërbimi Shëndetësor Kombëtar), gjithmonë në rast se sonte shënojnë fitore.

Ndryshe, finalja mes Italisë dhe Anglisë zhvillohet nga ora 21:00 në “Wembley”. /Zeri.info

Shpërndaje në rrjete sociale

Lajmet më të lexuara

Të ngjashme

Foto lajm