Të rinjët që pijnë pije me sheqer mund të shfaqin rrezik në rritje të zhvillimit të kancerit të zorrës së trashë, pretendojnë ekspertët.

Studimi, në të cilin morën pjesë 116.500 infermierë, tregoi se gratë që pinin dy ose më shumë pije të ëmbla në ditë kishin dyfish rrezikun e zhvillimit të kancerit të hershëm të zorrës së trashë se ato që konsumuan më pak se një pije të ëmbël në ditë, transmeton portali arbresh.info

Shoqata Amerikane e Kancerit ka renditur disa zakone të jetës që konsiderohen si një rrezik i lartë për kancerin e zorrës së trashë.

Këto janë përdorimi i alkoolit, mbipesha, pasiviteti, pirja e duhanit, madje edhe lloje të caktuara të dietave. Megjithëse, ata theksojnë, ka disa faktorë të tjerë që nuk mund të kontrollohen, të tilla si plakja, një histori e polipeve kolorektale ose kanceri kolorektal, një histori personale e sëmundjes inflamatore të zorrëve, disa sindroma të trashëguara dhe një histori familjare të sëmundjes.

Sipas një studimi tjetër të kryer nga shkolla e Mjekësisë në Universitetin e Uashingtonit zbuloi një rritje prej 16 përqind të rrezikut për çdo pije të ëmbël në ditë, shkruan Fox Neës.

Ekipi publikoi gjetjet e tij në revistën Gut dhe tha se duhet të bëhen përpjekje më të mëdha në shëndetin publik për të inkurajuar njerëzit të zvogëlojnë marrjen e sheqerit.

“Kanceri i zorrës së trashë në të rriturit e rinj është relativisht i rrallë, por fakti që normat janë rritur në tre dekadat e fundit duhet të jetë një shqetësim i madh për shëndetin publik dhe një përparësi në parandalimin e kancerit,” tha Yin Cao, një profesor i kirurgjisë dhe mjekësisë në Universiteti i Uashingtonit dhe autori i studimit./arbresh.info/