Stafi i Përfaqësueses U17 të Kosovës në krye me përzgjedhësin Arsim Abazi për 10 ditë ka organizuar kamp seleksionues në Kampin Nacional Edukativ në Hajvali.
Fillimisht është punuar me lojtarët nga ekipet vendore, ku ishin të përfshirë 120 futbollistë, derisa në tri ditët e fundit janë grumbulluar 24 futbollistë që luajnë në ekipet evropiane, e që këto ditë ndodhen për pushime në Kosovë.
Gjatë këtyre tri ditëve stafi i Kosovës U17 i ka ndarë lojtarët në dy ekipe dhe janë zhvilluar ndeshje testuese për t’i parë vlerat dhe formën e gjithsecilit.
Të pranishëm përveç stafit të Kosovës U17, kanë qenë edhe përzgjedhësi i Kosovës U19, Ramiz Krasniqi dhe koordinatori i ekipeve të grupmoshave të reja, Isa Sadriu, derisa kampin e ka vizituar edhe presidenti Agim Ademi.
Përzgjedhësi Abazi është shprehur i kënaqur me performancën e këtyre lojtarëve dhe është shprehur optimist se për kualifikime do të krijojnë një ekip kualitativ.
Kosova U17 ndeshjet kualifikuese për Kampionatin Evropian do t’i ketë në muajin tetor, ku është në grup me Austrinë, Slloveninë dhe Ishujt Faroe. Paraprakisht në muajin shtator pritet që “Dardanët” t’i luajnë dy ndeshje miqësore me Shqipërinë. /Zeri.info
Përfundon intervistimi i Dejona Mihailit, nuk flet për media
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...
“U qëllua me 6 plumba prapa shpinës”, detaje për incidentin ...
Vdes personi që u plagos sot në Mitrovicë
Prokuroria : Dejona Mihali po intervistohet në cilësinë e dë...