Është mbajtur sot dita e parë e punëtorisë “Tranzicioni i drejtë energjetik në Kosovë”, e organizuar nga Ministria e Ekonomisë e që ka mbledhur të gjithë ekspertët e energjisë në Kosovë, vendorë dhe ndërkombëtarë që përfaqësojnë institucionet, organizatat ndërkombëtare si dhe shoqërinë civile.
Kjo punëtori e përbashkët për sektorin e energjisë dhe koordinimin e donatorëve në Kosovë ka për qëllim informimin e vendimeve teknike dhe politike që do të merren gjatë procesit të finalizimit të Strategjisë Kombëtare të Energjisë.
Punëtoria është hapur nga Kryeministri i Qeverisë së Kosovës, Albin Kurti dhe Ministrja e Ekonomisë, Artane Rizvanolli. Dita e parë e kësaj punëtorie është fokusuar në prezantim të skenarëve në bazë të studimeve për tranzicion energjetik në Kosovë të cilat janë bërë deri më tash nga ana e Sekretariatit të Komunitetit të Energjisë, Ministria e Ekonomisë, Zyra e BE-së në Kosovë, USAID, Qeveria Gjermane (GIZ dhe KFW), Banka Botërore si dhe ERBD.
Prezantimet janë ndjekur nga pyetje dhe diskutime të detajuara teknike nga ana e ekspertëve dhe përfaqësueseve të Ministrisë së Ekonomisë për të nxjerrë të gjitha informatat e domosdoshme për draftimin e Strategjisë Kombëtare të Energjisë.
Tutje janë mbajtur dy panele, të cilat janë fokusuar në prioritetet dhe supozimet kryesore për planifikimet e ardhshme të sektorit të energjisë duke marrë parasysh kostot, mjaftueshmërinë e gjenerimit dhe afatin kohor.
Këto panele janë detajuar në furnizim të energjisë me kosto sa më të ulët dhe në planifikim të investimeve, incentivave dhe nevojave financiare./arbresh.info/
Çitaku për Hamzën: Dramën ua lëmë aktorëve, qeverisjen profe...
Nesër mbahet “Forumi për Sportin”
“Ai është anësori më i mirë në botë” – Lewandowski me këshil...
Romeo Veshaj po rikthehet pas shumë kohësh me këngë të re
Zelensky shpalos “planin e fitores” gjatë takimi...
Hamza nuk vendos vija të kuqe: Koalicioni me LDK-në më i pre...