Spanja mposht Zvicrën pas penalltive, avancon në gjysmëfinale

20:52 | 2 Korrik 2021
Arditë Shkodra

Spanja ka kaluar në gjysmëfinale pasi e mposhti Zvicrën pas penalltive.

Kombëtarja e Spanjës ka kaluar në gjysmëfinale pasi mposhti Zvicrën në penallti, shkruan lajmi.net.

Pjesa e parë nisi më mirë për Spanjën që realizuan gol në min e 8’ pas autogolit të Denis Zakarias, në vazhdim të dyja skuadrat patën raste por pa arritur të shënojnë më në pjesën e dytë.

Në pjesën e dytë më kërkuese ishte Zvicra që gjeti golin në min e 68’ përmes Xherdan Shaqirit, nëntë minuta më vonë u përjashtua nga loja me karton të kuq Remo Freuler.

Në vazhdim Spanja morri iniciativën e ndeshjes por pa arritur të realizojë.

As pas vazhdimeve nuk pati gola përkundër rasteve të shumta që patën spanjollët, dhe u mbyllën 1-1.

Në penallti për Spanjën realizuan Dani Olmo dhe Gerard Moreno dhe Mikel Oyarzabal ndërsa për Zvicrën i saktë ishte vetëm Mario Gavranovic.

Spanja në gjysmëfinale e pret fituesin e ndeshjes Belgjikë – Itali.

Shpërndaje në rrjete sociale

Lajmet më të lexuara

Të ngjashme

Foto lajm