Google ADS

Qytetarët në Turqi do të marrin tre doza vaksine

22:54 | 30 Qershor 2021
Arbresh.info

Turqia është bërë vendi i parë që do ta aplikojë tre doza të vaksinës kundër Covid. Ministri i Shëndetësisë së Turqisë, Fahrettin Koca, ka njoftuar sot vendimin e Komitetit Shkencor që është marrë sot.

Në një deklaratë për mediat ai është shprehur se të gjithë qytetarët që janë 50-vjeç e lart që kanë bërë dy dozat e vaksinave mund të paraqiten në qendrat e vaksinimit dhe të injektojnë dozën e tretë.

“Qytetarët tanë dhe profesionistët e kujdesit shëndetësor mund të kenë vaksinën që duan si dozë të tretë, pa marrë parasysh se çfarë vaksine kanë bërë në dy dozat e para,” tha ministri.

Koca shtoi se të drejtën për vaksinim e kanë të gjithë qytetarët dhe ka premtuar se do të ketë një ritëm më të lartë vaksinimi në ditët në vijim.

Doza e tretë e vaksinës është diskutuar nga shkencëtarët disa muaj më parë dhe shumë kanë qenë të mendimit se ajo shton mbrojtjen nga Covid./tvklan.al/

Shpërndaje në rrjete sociale

Lajmet më të lexuara

Të ngjashme

Foto lajm