Komisioni Qendror i Zgjedhjeve është duke vazhduar me përgatitjet për organizimin e zgjedhjeve lokale të cilat do të mbahen më 17 tetor 2021.
Në kuadër të këtyre përgatitjeve, KQZ ka emëruar në mbledhjen e sotme rreth 250 anëtarët e Komisioneve Komunale të Zgjedhjeve në të 38 komunat e Kosovës.
Para emërimit të tyre, Komisioni Qendror i Zgjedhjeve i ka dërguar emrat e propozuar në Këshillin Gjyqësor të Kosovës për t’u verifikuar nëse janë në përputhje me rregullën zgjedhore për emërimin e Komisioneve Komunale të Zgjedhjeve.
Në këtë rregull zgjedhore specifikohet se personi i nominuar për emërim për anëtar të KKZ-së duhet t’i plotësojë disa kritere, në mesin e të cilave, “të mos jetë i dënuar, për vepër penale, me vendim të formës së prerë të gjykatës në tri vitet e fundit”.
Sipas KQZ-së vetëm 7 persona kanë rezultuar se nuk janë në përputhje me këtë përcaktim të rregullës zgjedhore dhe të cilët duhet të zëvendësohen me emra të rinj.
Sipas vendimit të KQZ-së, mandati i anëtarëve të KKZ-ve fillon në ditën e këtij vendimi dhe përfundon 15 ditë pas certifikimit të rezultatit të zgjedhjeve, përveç nëse ky mandate ndërpritet para përfundimit ose zgjatet me vendim të veçantë. Sipas ligjit për zgjedhjet e përgjithshme, KKZ-ja është organ përgjegjës për zbatimin e aktiviteteve zgjedhore brenda territorit të komunës së caktuar./arbresh.info/
“Ik se po të mbys shpulla” – Eskalon debati në kërcënime mes...
Agani premton “dy vite pushim të lehonisë” për gratë e punës...
Shkup: Gjendet i vdekur një shtetas turk
Qasja e LDK-së ndaj ujdisë së Ohrit, Haziri: Marrëveshje të ...
Parlamenti i BE-së miraton një kredi rreth 38 miliardë dolla...
“Nuk flas me pijanece unë”, Mevlani shokon me deklaratë