Google ADS

Microsoft bëhet kompania e dytë amerikane që vlen dy trilionë dollarë

23:43 | 26 Qershor 2021
S D

Microsoft është edhe zyrtarisht në elitën më të madhe të korporatave, me një vlerë tregu që tejkalon dy trilionë dollarë.

Gjiganti i teknologjisë është bërë kompania e dytë amerikane, pas Apple, që ka arritur një vlerësim të tillë. Kompania arriti momentin historik pak më shumë se dy vjet pasi kaloi për herë të parë kufirin e tregut prej 1 trilion dollarësh.

E këtë e ndihmoi COVID-19. Pandemia bëri që njerëzit të kalonin më shumë kohë në pajisjet teknologjike, duke rritur kërkesën për kompjuterët e Microsoftit dhe sistemet e lojërave. Aksionet e Microsoftit janë rritur për 64 % që nga muaji mars i vitit 2020, kur bllokimet pandemike filluan të hynin në fuqi në Shtetet e Bashkuara.

“Për më shumë se një vit në pandemi, kurbat e digjitalizimit nuk po ngadalësohen”, tha Drejtori Ekzekutiv, Satya Nadella, në një deklaratë në atë kohë.

Vlera e tregut të Apple kaloi dy trilionë dollarë gushtin e kaluar dhe aktualisht qëndron në 2.24 trilionë dollarë./ Klankosova.tv

Shpërndaje në rrjete sociale

Lajmet më të lexuara

Të ngjashme

Foto lajm