Opozita kundërshton shkarkimin e anëtarëve të Këshillit të Pavarur Mbikëqyrës për Shërbimin Civil të Kosovës

13:51 | 24 Qershor 2021
S D

Në seancën e sotme të Kuvendit të Kosovës, Armend Mujaj, në emër të Lëvizjes Vetëvendosje kishte kërkuar që të votohet kjo pikë nga deputetët në seancën e sotme të Kuvendit.

Deputetja e VV-së, Doarsa Kica-Xhelili njëherësh edhe kryesuese e komisionit për Administratë Publike tha se anëtarët e Këshillit të Pavarur Mbikëqyrës për Shërbimin Civil të Kosovës (KPMShCK) nuk e kanë ushtruar funksionin në mënyrë të paanshme, prandaj edhe duhet të shkarkohen, raporton Ekonomia Online.

“Nuk e kanë ushtruar funksionin në mënyrë të paanshme”.

Ndërsa partitë e opozitës PDK, LDK dhe AAK kanë kërkuar që të mos votohet pika për shkarkimin e pesë anëtarëve të Këshillit të Pavarur Mbikëqyrës për Shërbimin Civil të Kosovës.

Për të njëjtën gjë u deklaruan edhe Mërgim Lushtaku nga PDK, Agim Veliu nga LDK dhe Besnik Tahir AAK, të cilët në emër të partive të tyre politike kërkuan që të mos votohet kjo pikë e rendit të ditës./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm