Më shumë se 90 shtete në të gjithë botën janë duke përdorur vaksinat kineze kundër koronavirusit.
Megjithatë, sipas “New York Times”, ekspertët kanë ngritur alarmin për shtimin e rasteve në këto shtete, e cila sipas tyre mund të ndikojë edhe në luftën globale ndaj pandemisë.“New York Times” shkruan se Mongolia i premtoi popullsisë një verë pa koronavirus. Autoritetet në Bahrejn u shprehën se do të ketë një kthim në jetën normale. E njëjta situatë edhe në ishullin e vogël të Sejshel.
Të tre këto shtete u mbështetën te vaksinat kineze, lehtësisht të arritshme. Megjithatë, në vend që të kalonin në uljen e rasteve të reja, të tre vendet janë duke u përballur me një rritje të ndjeshme të infektimeve të reja.
Vitin e kaluar Kina u zotua se do të siguronte një vaksinë, e cila do të ishte e sigurt dhe efektive në parandalimin e rasteve të rënda të koronavirusit. Të paktën sipas “New York Times”, e cila sjell disa shembuj, vaksina kineze mund të mos jetë shumë efektive në parandalimin e koronavirusit, veçanërisht varianteve të reja. Në Sejshel, Kili, Bahrein e Mongoli, 50 deri në 68 përqind e popullsisë kanë marrë të dyja dozat e vaksinave, duke tejkaluar edhe Shtetet e Bashkuara të Amerikës. Megjithatë, këto katër shtete u renditën në 10 vendet e para me shtimin më të madh të rasteve të reja javën e kaluar, sipas të dhënave të New York Times. Të katër këto shtete kanë përdorur vaksinat kineze Sinopharm dhe Sinovac Biotech.
Shkencëtarët ende nuk kanë dalë në një përfundim se pse disa shtete me përqindje të lartë vaksinimi po vuajnë shtimin e ndjeshëm të rasteve. Variantet e reja të Covid-19, lehtësimi i masave apo edhe ekspozimi i tepruar nga personat menjëherë pas marrjes së dozës së parë shihen si shkaqe të mundshme që kanë ndikuar në rritjen e rasteve të reja.
Për fat të mirë, të paktën deri tani, në këtë përfundim nuk mund të dalim për Shqipërinë, pasi vendi ynë ka arritur deri tani 900 mijë vaksinime, pjesa më e madhe e të cilave kineze dhe rastet e reja kanë rënë ndjeshëm gjatë kohëve të fundit.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...