Rëndësia e mbështetjes së mëtejme të projekteve zhvillimore, ishte tema kryesore e takimit virtual që Kryeministri Republikës së Kosovës, Albin Kurti, zhvilloi me presidenten e Bankës
Evropiane për Rindërtim dhe Zhvillim (BERZh), Odile Renaud-Basso.
Kryeministri Kurti, bashkë me Ministren e Ekonomisë, Artane Rizvanolli dhe Ministrin e Financave, Punës dhe Transfereve, Hekuran Murati, biseduan me znj. Renaud-Basso, si dhe Drejtoreshën
Menaxhuese të BERZh-it për Evropën Qendrore dhe Juglindore, Charlotte Ruhe, dhe ekipin e BERZh, për vazhdimin e bashkëpunimit, me theks te rritja e dinamikës në zbatimin e projekteve.
Duke uruar për tridhjetë vjetorin e BERZh-it, kryeministri Kurti theksoi se gjatë tri dekadave, BERZh-i ka qenë një partner i çmuar për shumë vende në udhëtimin e vështirë të tranzicionit. Po ashtu, gjatë viteve të kaluara, BERZh ka qenë partner i pazëvendësueshëm për Kosovën, si për sektorin publik ashtu edhe atë privat, për çfarë kryeministri Kurti falënderoi menaxhmentin e BERZh-it, veçanërisht zyrën rajonale në Kosovë.
Në përgjigje të situatës me pandeminë COVID-19, përveç mbështetjes afatshkurtër emergjente, Qeveria e Republikës së Kosovës e sheh BERZh-in si një partner të rëndësishëm edhe për rimëkëmbjen e ekonomisë, u tha në takim, thuhet në komunikatën e Qeverisë së Kosovës.
Përfaqësuesit e BERZh-it, u shprehen të hapur për vazhdimin e bashkëpunimit me Qeverinë e Republikës së Kosovës dhe mbështetjen e mëtutjeshme për sektorin privat, përmirësimin e mjedisit të të bërit biznes, sektorin e energjisë dhe integrimin rajonal./arbresh.info/
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...