Dashi

Një ditë e mirë sot për të gjithë ata që i përkasin shenjës së Dashit. Ditë plot risi të reja në fushën ku punoni. Kjo ditë ka rezervuar një surprizë për ju, atë dëshirë që prej një kohe të gjatë jeni duke e ëndërruar. Shëndeti i mirë në përgjithësi.

Demi

Ditë e favorshme sot për Demin në lidhje me një ofertë pune. Nëse jeni të angazhuar dhe nuk e pëlqeni punën tuaj aktuale, është koha për ta ndryshuar atë. Për ata që janë në kërkim të një pune më të mirë, duhet të prisni nesër për këtë mundësi të re. Shëndeti parashikohet të jetë i mirë.

Binjakët

Nostalgjia për kohët e kaluara duket se ju ka pushtuar këto ditë, por ajo që duhet të bëni është të ecni me hapat e së tashmes. Problemet tuaja të cilat i keni shtyrë ditë pas dite, presin një zgjidhje. Në ambientet e punës jeni të rrethuar nga xhelozia, por mos u bëni merak, gjithçka do të ecë mirë për ju.

Gaforrja

Kushtojini vëmendje shëndetit tuaj, duke u përpjekur të mos e lini veten shumë pas dore. Për ju të shenjës Gaforre sot yjet kanë rezervuar një ditë të mrekullueshme. Për sa i përket personave të cilët janë të dashuruar, mundohuni të jepni më të mirën për partnerin tuaj.

Luani

Për ata të shenjës së Luanit sot këshillohen të mos i bëjnë gjërat e rrëmbyera, por t’i mendojnë më parë, sepse kjo mund t’ju bëjë të merrni vendime të gabuara. Me rëndësi është të vendosni sot, por gjërat merrini shtruar. Në ambientet e punës mundohuni të përkushtoheni më shumë dhe të mos e teproni me pushimet e kafes. Shëndeti paraqitet e mirë.

Virgjëresha

Sot disa nga të afërmit tuaj do të kenë nevojë për këshillën tuaj. Ndoshta mund t’ju kërkojnë ndihmë që herët në mëngjes, mos nguroni edhe në qoftë se ju nuk doni të flisni, kujtoni që kur ju keni pasur nevojë ju kanë ndihmuar. Në fushën e dashurisë parashikohen momente të qeta. Shëndeti i mirë, por tregoni kujdes për veten.

Peshorja

Keni nevojë të pushoni dhe relaksoheni. Nëse sot nuk ju bëhet të bëni asgjë, ju këshillohet të bëni atë që ju vjen për mbarë. Harrojeni rutinën e përditshme dhe bëjeni veten të lumtur. Shëndeti është kryesor, tregoni respekt për veten.

Akrepi

Për ata të shenjës së Akrepit sot parashikohet që të jenë të fokusuar në çështjet familjare dhe ato të punës. Çështjet e pazgjidhura në fakt kanë nevojë për zgjidhje dhe duke marrë disa këshilla të mira prej pjesëtarëve të familjes suaj, do të jetë një zgjidhje e mirë.

Shigjetari

Miqësi të reja në horizont paraqiten për Shigjetarin gjatë kësaj dite. Një person i njohur sot mund të bëhet i domosdoshëm për të ardhmen tuaj. Kushtojini vëmendje çdo veprimi të personave që ju rrethojnë. Mundësi të reja për njohje të reja në dashuri.

Bricjapi

Horoskopi për ata të shenjës së Bricjapit për sot dhe nesër ofron shumë fat në të gjitha fushat. Nëse ju jeni në çift do të kaloni ditët më të mira gjatë muajit. Nëse jeni ende beqar, mundësi të reja janë në horizont për ju.

Ujori

Mundohuni të qëndroni mënjanë problemeve ku përfshihen miqtë tuaj apo familjarët, pasi problemet nuk kanë lidhje fare me ju. Nëse ju vendosni të ndërhyni në mes, mund të përfundoni duke fajësuar veten pa asnjë arsye. Në fushën e dashurisë marrëdhënia paraqitet e mirë. Këshillohet që për shëndetin të merreni pak me veten.

Peshqit

Ju të shenjës së Peshkut duket se keni humbur optimizmin kohët e fundit për të përballuar problemet e së kaluarës. Ajo që duhet të bëni është të tregoheni më shumë të vendosur dhe të ktheni kokën nga e ardhmja. Sipas parashikimit të yjeve në tetorin e këtij viti ju do ju duhet të merrni vendime të rëndësishme për veten dhe familjen tuaj.