Këshilli Prokurorial i Kosovës ka reaguar pas disa raportimeve në media se Qeveria e Kosovës është duke planifikuar të shkarkoj nga posti i tij Kryeprokurorin e Shtetit, Aleksander Lumezi.
KPK përmes një eragimi për media deklaron se Lumezi ka përkrahjen e plotë të të gjithë anëtarëve të saj dhe se çfarëdo tendence për inskenime të mundshme që kanë për qëllim destabilizimin institucional, cenimin e integritetit, mandatit dhe prestigjit të Kryeprokurorit të Shtetit, do të dështojnë, shkruan arbresh.info.
“Këshilli Prokurorial i Kosovës (KPK) përmes kësaj deklarate siguron opinionin publik se Kryeprokurori i Shtetit, Aleksandër Lumezi, ka mbështetjen e plotë të të gjithë anëtarëve të Këshillit në ushtrimin e mandatit të tij Kushtetues dhe ligjor. Kryeprokurori i Shtetit, Aleksandër Lumezi, në vazhdimësi është vlerësuar maksimalisht për punën e tij sipas standardeve më të larta nga ana e Këshillit Prokurorial të Kosovës”, thuhet ndër të tjera në reagim./arbresh.info/
Reagimi i plotë:
DEKLARATË E KËSHILLIT PROKURORIAL TË KOSOVËS
Prishtinë, 17 qershor 2021 – Këshilli Prokurorial i Kosovës (KPK) përmes kësaj deklarate siguron opinionin publik se Kryeprokurori i Shtetit, Aleksandër Lumezi, ka mbështetjen e plotë të të gjithë anëtarëve të Këshillit në ushtrimin e mandatit të tij Kushtetues dhe ligjor.
Kryeprokurori i Shtetit, Aleksandër Lumezi, në vazhdimësi është vlerësuar maksimalisht për punën e tij sipas standardeve më të larta nga ana e Këshillit Prokurorial të Kosovës.
Andaj, çfarëdo tendence për inskenime të mundshme që kane për qëllim destabilizimin institucional, cenimin e integritetit, mandatit dhe prestigjit të Kryeprokurorit të Shtetit, do të dështojnë.
Këshilli Prokurorial i Kosovës si organ Kushtetues i pavarur dhe i paanshëm, nuk do të lejojë asnjë interferim apo çfarëdo interesi nga jashtë, përfshirë edhe dëshirat e partive politike, individëve të caktuar dhe grupeve të interesit të ndikojnë në punën dhe mandatin e bartësve të sistemit prokurorial, përkatësisht të Kryeprokurorit të Shtetit.
Zvicra publikon listën ndaj Serbisë, dy shqiptarë të ftuar
Digjet një fermë dhe disa kafshë shtëpiake në Leposaviq
Ambasadori britanik viziton Gjykatën Supreme – vlerëson lart...
Zhegrova: Mendoj se shpirti i ekipit tonë e bëri diferencën
Vetëplagoset një person në Pejë
Policia shqiptoi 2605 gjoba trafiku për 24 orë