Anëtari i Këshillit të Përgjithshëm të LDK-së, Muhamet Hamiti ka komentuar takimin e ditës së djeshme në Bruksel mes Kurtit dhe Vuçiqit.
Hamiti ka thënë se paraqitjet e djeshme para mediave të Kurtit e Vuçiq ishin për konsum të brendshëm politik.
“Takimi nuk shënoi rinisje të njëmendet të dialogut, as u kornizua vazhdimi i tij. Asnjë hap përpara nuk u bë dje”, shkroi Hamiti.
Ai thotë se është e qartë që Serbia nuk është e interesuar për dialog pasi e di që në fund ai pashmangshëm dërgon në njohjen e Kosovës, por sipas tij ky nuk është interes i Kosovës.
“Serbia e Vuçiqit është e interesuar për vazhdimin e status kuosë, për ngecje e jo për përparim. Gjendja e tillë nuk është në interesin e Kosovës që, mbas njohjes nga Serbia dhe nga pesë vendet e BE-së që nuk na kanë njohur ende, duhet të niset rrugës së integrimeve euro-atlantike”, tha tutje zyrtari i LDK-së.
Hamiti thotë se “zhurma e Kurtit” nuk e dërgon Kosovën përpara.
“Kryeministri duhet të bëjë ç’është e mundur për t’i dhënë fund gjendjes së status kuosë në raportet e vendit tonë me Serbinë. Me asgjë të mos bëhet mbulesë për strategjinë e Serbisë për ta zvarritur këtë proces, për të fituar kohë, me synimin e Vuçiqit e të regjimit të tij që në këtë ndërkohë të fitojë hapësirë për aranzhmane diabolike që do të defunksionalizonin shtetin e pavarur e sovran të Kosovës”.
Hamiti shkruan më tej se Kosova nuk guxon të bjer në kurthin e Vuçiqit pasi sipas tij Serbia e do pezullimin e dialogut.
“Në këtë kurth të Vuçiqit s’bën të bjerë Qeveria e Kosovës. Prandaj, Kryeministri Kurti duhet ta lërë retorikën e opozitarit e të bëjë punën e kryeqeveritarit të Republikës sonë, si në punët e brendshme, ashtu edhe në marrëdhëniet e Republikës së Kosovës me vendet e tjera”, përfundon shkrimi i Hamitit.
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...