Hapja e negociatave, Meta përshëndet vendimin e Parlamentit të Holandës

16:09 | 16 Qershor 2021
Përparim Bublaku

Presidenti i Shqipërisë, Ilir Meta ka përshëndetur  vendimin e Parlamentit të Holandës për mbajtjen e Konferencës së parë Ndërqeveritare edhe me Shqipërinë, për hapjen e negociatave për anëtarësim në BE.

Meta përmes një postimi në Facebook tha se plotësimi i kërkesave do të jetë përcaktues për rrugëtimin në BE.

Postimi i plotë i tij:

E përshëndes vendimin e Parlamentit holandez për miratimin e kuadrit negociator, e më pas, mbajtjen e Konferencës së parë Ndërqeveritare edhe me Shqipërinë.

Plotësimi i të gjitha kushteve do të jetë kërkesa konstante, që do të na shoqërojë këtë proces, nga nisja deri në fund, dhe do të jetë përcaktues për kohën kur do të finalizohet anëtarësimi.

Duke uruar, që më 22 qershor Këshilli të vendosë pozitivisht për nisjen reale të negociatave, të ruajmë fokusin tek plotësimi sa më parë i të gjitha kushteve./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm