Erikseni me mesazh nga spitali

09:44 | 15 Qershor 2021
M. A.

Futbollisti danez, Christian Eriksen, nëpërmjet një postimi të bërë nga spitali, pas kolapsit që pësoi në ndeshjen ndaj Finlandës, ka falënderuar tifozët e futbollit për përkrahjen që i dhanë.

Duke postuar një fotografi, Eriksen ka thënë se tash është më mirë me shëndet.

Ai u kolapsua në ndeshjen e së shtunës në Evropianin “Euro 2020”. Sipas mjekëve, kishte pësuar arrest kardiak. Ishin dashur më shumë se 15 minuta që atij t’i jepej ndihma e parë në fushë, para se të bartej drejt spitalit.

“Përshëndetje të gjithëve. Faleminderit shumë për urimet e juaja të ëmbla dhe mahnitëse dhe për mesazhet nga e gjithë bota. Do të thotë shumë për mua dhe familjen time. Jam mirë – pavarësisht rrethanave. Duhet të kryej edhe disa kontrolle në spital, por ndihem mirë. Tani do ta përkrah Danimarkën për ndeshjet e ardhshme”, ka shkruar ai në rrjete sociale.

Shpërndaje në rrjete sociale

Lajmet më të lexuara

Të ngjashme

Foto lajm