Google ADS

Dua Lipa jep lajmin se “Sunny Hill Festival” tashmë e ka Prishtinën si adresë të përhershme

21:29 | 14 Qershor 2021
Përparim Bublaku

Dua Lipa ka dhënë lajmin e rëndësishëm përmes rrjeteve sociale.

Dua Lipa njihet si njëra ndër këngëtaret më të njohura shqiptare me famë të gjerë ndërkombëtare.

Ajo dhe babai i saj Dukagjin Lipa kanë organizuar tash e dy vite Sunny Hill Festival i cili është një festival ndërkombëtar i muzikës në Kosovë që u zhvillua në Gusht 2018 dhe 2019 në kryeqytetin Prishtinë.

Dua dhe Dukagjin Lipa sot dhanë lajmin se “Sunny Hill Festival” tashmë ka një adresë të përhershme në qytetin e Prishtinës.

Dua ndau një Instastory ku tha se ajo është aq krenare për atë që kanë arritur deri tani.

“Festivali ynë Sunny Hill Festival tashmë ka një adresë të përhershme në Prishtinë, Kosovë. Jemi kaq krenarë me arritjen e këtij rrugëtimi deri tani dhe mezi presim që të rritemi më shumë dhe të bëhemi edhe me një lokacion të ri! Ju faleminderit për të gjithë dashurinë dhe përkrahjen. Do të shihemi së shpejti”, shkroi Dua në fotografinë të cilën e postoi në Instastory.

Shpërndaje në rrjete sociale

Lajmet më të lexuara

Të ngjashme

Foto lajm