Gjykata Themelore hedhë poshtë aktakuzën për korrupsion ndaj ministrit Liburn Aliu

11:55 | 14 Qershor 2021
arbresh.info

Gjykata Themelore e Prishtinës e ka hedhur poshtë aktakuzën për korrupsion ndaj ministrit të Mjedisit, Planifikimit Hapësinor dhe Infrastrukturës, Liburn Aliu dhe të tjerëve.

Këtë e ka konfirmuar për Gazetën Express avokati Behar Ejupi, i cili në këtë rast e ka përfaqësuar juridikisht klientin e tij Zejnulla Rexhepi.

“Sot më datë 14 qershor kam pranuar aktvendimin me të cilin Gjykata Themelore në Prishtine ka pranuar kërkesën për hedhjen e aktakuzes dhe janë pranuar kërkesat e avokatëve”, tha avokati Ejupi.

Aktakuza e ngritur nga Prokuroria Themelore në Prishtinë më 24 korrik të vitit të kaluar e ngarkon Aliun me veprën penale të keqpërdorimit të pozitës zyrtare gjatë kohës kur ai ushtronte detyrën e Drejtorit të Drejtorisë së Urbanizmit në Komunën e Prishtinës.

Përveç Aliut, për keqpërdorim të pozitës apo autoritetit zyrtar ishin të akuzuar edhe Ardian Olluri, Zejnulla Rexhepi, Nazife Krasniqi, Bahtie Uka dhe Mimoza Berisha Prestreshi.

Shpërndaje në rrjete sociale

Lajmet më të lexuara

Të ngjashme

Foto lajm