Origjina e farave të susamit është nga Azia tropikale dhe Afrika e Jugut.

Është një antioksidant, antifungale, antianemik, baktervrasës, diuretik, tretës, dietik, insekticid, hepatik, laksativ, kozmetik, revitalizues, stimulues dhe tonik matyral, ndërsa edhe është burim i shkëlqyeshëm në parandalimin e kancerit, transmeton portali arbresh.info

Susami (lat. Sesamum indicum) i përket familjes së susamit (Familia Pedaliaceae), dhe emri i tij mjekësor është Semen Sesami (olio sesami). Bima vjetore arrin një lartësi deri në 2 metra në 3 deri në 5 muaj dhe është ende një nga ushqimet e pashmangshme në dietën njerëzore në Lindjen e Mesme dhe Europën Lindore. Fillimi i kultivimit të tij përmendet që në vitin 1550.

Farat e susamit prej vitesh përdoren në vendin tonë për gatime të ndryshme tradicionale, ëmbëlsira, bukë dhe sallata të ndryshme, dhe efektet e tij shëruese kundër tullacit, zbokthit, dhimbjes së dhëmbit, tringëllimë në veshët, shiatikut dhe çrregullimeve të gjidhënies ishin të njohura për popujt e lashtë.

Për sa i përket vlerës së tij, susami mund të qëndrojë krah për krah me hudhrën, shafranin e Indisë dhe ushqime të tjera medicinale, ai është lehtësisht i disponueshëm dhe për këtë arsye mund të përfshihet lehtësisht në dietën ditore.

Efekti antioksidues i vajit të susamit mund të krahasohet lirisht me vajin e ullirit. Duke shtuar vaj susami në përdorimin e përditshëm, ne parandalojmë pasojat e autointoksikimit, i cili helmon trupin me toksinat, shkatërron radikalet e lira, të cilat paraqesin rrezik të madh për trupin tonë dhe gjithashtu kanë acide yndyrore antioksidante.

Susami përmban vitamina A, B1, B6, E, e cila është përgjegjëse për parandalimin e formimit të parakohshëm të rrudhave dhe plakjen e lëkurës, dhe mineralet magnez, bakër, mangan, zink, i cili është i rëndësishëm për pjellorinë mashkullore, dhe hekur dhe kalcium. Susami përmban shtatë herë më shumë kalcium se qumështi.

Për shkak të këtyre vlerave, konsiderohet ilaq për sëmundjen e kockave, diabetikët dhe ul kolesterolin e keq.

Susami përmirëson efektivitetin e glibenclamidit, një ilaç që përdoret për të trajtuar diabetin, transmeton portal arbresh.info

Në luftën kundër kancerit, përqendrimi është në fijet dietike dhe fitosterolet, përbërësit e bimëve që janë kimikisht të ngjashëm me kolesterolin dhe që ndërhyjnë në thithjen e kolesterolit dhe kështu ndihmojnë në uljen e tij. Këto janë linjina – sesamin dhe sesamolin. Ato gjithashtu kanë efektin e uljes së presionit të lartë të gjakut.

Shkencëtarët pretendojnë se ato parandalojnë përhapjen e qelizave të ndryshme të kancerit, duke përfshirë lloje të ndryshme të kancerit si prostata, gjiri, mushkëritë, pankreasi, zorra e trashë dhe leukemia.

Farat e susamit gjithashtu zvogëlojnë problemet e shkaktuara nga menopauza, lëhtësojnë reumatizmin, migrenën, mbron mëlçinë, ul presionin e gjakut dhe kolesterolin, ndihmon kundër astmës, mbron kockat, është e mirë kundër kapsllëkut, anemisë dhe formimit të trombit, dhe të ngjashme.

Sipas disa studimeve, kombinimi i susamit dhe mjaltit eleminon në mënyrë të efektshme lodhjen, forcon potencën tek burrat dhe gratë, lehtëson simptomat e stresit dhe rikthen në mënyrë efektive gjallërinë dhe energjinë. Përzieni farat e susamit dhe mjaltin në një tas derisa të fitoni një masë homogjene. Pas kësaj, thjesht bëni topa nga ajo përzierje, pastaj ruajini në frigorifer dhe konsumojini ato në mënyrë të moderuar./arbresh.info/