28 milionë dollarë për të shkuar në hapësirë me Jeff Bezosin

09:41 | 13 Qershor 2021
Trina Galanxhi

28 milionë dollarë është shuma që një individ ka vendosur të paguajë për të shkuar në hapësirë me themeluesin e kompanisë Amazon Jeff Bezos dhe vëllain e tij.

Kjo ishte shuma më e madhe që u pagua në ankandin e zhvilluar drejtpërdrejtë në internet të shtunën. Kompania e raketave “Blue Origin” e themeluesit të Amazonit nuk e bëri të ditur emrin e fituesit.

Njoftohet se identiteti do të bëhet i ditur në prag të fluturimit të shkurtër nga pjesa perëndimore e Teksasit me 20 korrik.

Ky do të jetë fluturimi i parë i raketës “New Shepard” me njerëz në bord duke shënuar kështu pikën kulmore të 15 testeve të suksesshme fluturimi që nga viti 2015. Nisja do të shënojë gjithashtu edhe fillimin e turizmit hapësinor për kompaninë “Blue Origin”./voa/

Shpërndaje në rrjete sociale

Lajmet më të lexuara

Të ngjashme

Foto lajm