Shtetet e Bashkuara janë rikthyer si një udhëheqës bashkëpunues i botës së lirë nën udhëheqjen e presidentit Joe Biden, tha Emmanuel Macron, presidenti i Francës, duke ilustruar lehtësimin e ndjerë nga shumë aleatë të rëndësishëm të SHBA-ve që trazira e presidencës së Donald Trump ka mbaruar.

Vërejtja e Macron i bën jehonë asaj të kryeministrit britanik, Boris Johnson i cili e përshëndeti Biden të enjten si “një frymë e madhe e ajrit të pastër”, transmeton arbresh.info

As Macron dhe as Johnson nuk bënë një paralele të qartë midis Biden dhe Trump, megjithëse të dy vlerësuan tonin e bashkëpunimit të Bidenit dhe zyrtarët thanë se kishte lehtësim pasi Trump nganjëherë tronditi dhe hutoi shumë aleatë evropianë.

Biden, i pyetur nga një reporter nëse Amerika ishte rikthyer përsëri, ai u kthye drejt presidenit francez, Macron se ai duhet t’i përgjigjej kësaj pyetjeje.

“Po patjetër”, tha Macron. “Është shumë mirë të kesh një president të SHBA-ve që është pjesë e klubit dhe shumë i gatshëm të bashkëpunojë.”

“Ajo që ju demonstroni është se udhëheqja është partneritet”, i tha Macron, Biden ndërsa ishin ulur në një tarracë të hapur me një pamje të detit pas tyre.

Biden u pajtua me atë qe tha Macron.

” E kam thënë edhe më herët, e po e them edhe tani, Shtetet e Bashkuara janë rikthyer”, tha Biden. “Gjërat po shkojnë mirë, unë mendoj mirë, dhe  siç themi ne në SHBA, jemi në të njëjtën faqe.”

Biden shtoi se Shtetet e Bashkuara ndiheshin shumë të forta për kohezionin e aleancës ushtarake të NATO-s dhe shprehu mbështetjen për Bashkimin Evropian – shënjestra e shumë kritikave nga Trump gjatë presidencës së tij 2017-2021.

“Unë mendoj se Bashkimi Evropian është një entitet tepër i fortë dhe i gjallë, që ka të bëjë shumë me aftësinë e Evropës Perëndimore jo vetëm për të trajtuar çështjet e saj ekonomike por për të siguruar shtyllën kurrizore dhe mbështetjen për NATO-n,” tha Biden./reuters/arbresh.info/