Policia jep detaje për tri aksidentet e ndodhura në magjistralen Pejë-Prishtinë

18:41 | 9 Qershor 2021
Arditë Shkodra

Arbresh.info pak më parë ka raportuar për tri aksidente që kanë ndodhur në magjistralen Pejë-Prishtinë.

Lajmin e ka konfirmuar zëdhënësi i Policisë së Kosovës për rajonin e Prishtinës, Bajram Krasniqi.

Siç bëhet e ditur nga PK, në këto tri aksidente janë përfshirë gjithsej dymbëdhjetë (12) vetura.

Ka persona të lënduar mirëpo ende nuk dihet se sa është numri i tyre.

“Në këto momente (18:29) policia, konkretisht njësitet e autostradës janë duke u marrë me tri aksidente të ndara. Aksidentet kanë ndodhur në një distancë jo të largët (brenda një kilometri),  në rrugën nacionale Prishtinë-Pejë. Në një aksident janë të përfshira pesë vetura, në tjetrin katër dhe në të tretin tri, pra në tri aksidentet janë të përfshira dymbëdhjetë vetura. Këto janë informata fillestare nga njësitet në teren, sipas tyre ka edhe persona të lënduar, për numrin e tyre do t’u njoftoj më pas…”, ka thënë Krasniqi./arbresh.info/

Lexo edhe:

Aksident në magjistralen Pejë-Prishtinë – Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm