Ndalohen dy persona, kishin prerë dhe vjedhur drunjë në bjeshkët e Jezercit

14:43 | 3 Qershor 2021
L G

Drejtoria Rajonale e Policisë në Ferizaj ka vazhduar së zbatuari planin operativ “Mbrojtja e pyjeve 2021”, lidhur me prerjen e pyjeve dhe transportin ilegal të drunjëve.

Në kuadër të këtij aksioni policia, sot në mëngjes, në fshatin Jezerc të Ferizajt, ka hasur në dy persona të dyshuar: A.I 33 vjeçar dhe H.G 34 vjeçar, të cilët kishin prerë dhe vjedhur drunjë në bjeshkët e Jezercit.

Ata po i transportonin drunjtë me një traktor me rimorkio dhe një automjet ( pikap), shkruan arbresh.info.

Të njëjtit, policia i ka shoqëruar në stacionin policor të Ferizajt dhe pas intervistimit, me vendim të Prokurorit të PTH-Ferizaj, janë dërguar në mbajtje për 48 orë.

Drejtoria Rajonale e Policisë në Ferizaj, do të vazhdojë me aksione të tilla edhe në ditët në vijim, në parandalim të prerjeve të pyjeve dhe transportit ilegal të drunjëve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm