Google ADS

LDK propozon që zgjedhjet lokale të mbahen më 31 tetor

17:17 | 2 Qershor 2021
Përparim Bublaku

Kryetari i Lidhjes Demokratike të Kosovës, Lumir Abdixhiku pas takimit me presidente Vjosa Osmani ku është diskutuar për datën e zgjedhjeve lokale ka thënë se kanë propozuar që zgjedhjet lokale të mbahen më 31 tetor.

“Ishte një takim siç e do tradita. Tetori është muaji i zgjedhjeve ne jemi gati për to kur do që mbahen. Por rekomandimi jonë është që 31 tetori të jetë data e zgjedhjeve. Por për ne është e pranueshme ç’do datë tjetër”, tha Abdixhiku, raporton arbresh.info.

Ai tha arsyeja pse kanë propozuar këtë datë është që zgjedhjet të përgatiten sa më mirë dhe meqë jemi në pandemi të ketë edhe vaksinim më të madh të qytetarëve.

Abdixhiku tha se presin që në zgjedhjet lokale të kenë rezultat shumë më të mirë se ato nacionale.

Presidentja Vjosa Osmani gjatë ditës ka takuar edhe kryetarin e VV-së, Albin Kurti dhe atë të PDK-së, Enver Hoxhaj.

Takim do të ketë edhe me përfaqësuesit e AAK-së. V.S/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm