Sot pritet të miratohen protokollet për organizimin e dasmave në Maqedoni

10:58 | 1 Qershor 2021
Arditë Shkodra

Sot, në kuadër të seancës qeveritare, pritet të miratohen protokollet për mbajtjen e dasmave në Maqedoninë e Veriut.

Këtë e ka paralajmëruar ministri i Ekonomisë, Kreshnik Bekteshi ditë më parë, teksa u pyet se si do të organizohet dasmat, marrë parasysh se të njëjtat pritet të mbahen në ambiente të hapura.

“Tashmë janë propozuar disa protokolle të cilat sigurisht se do të shqyrtohen nga Shtabi i Krizës dhe në seancë qeveritare ditën e martë”, tha Bekteshi ditë më parë.

Në bazë të protokolleve që janë propozuar nga Komisioni për sëmundje ngjitëse, parashihet mes të tjerash që nusja e dhëndri do të luajnë valsin e parë, por mysafirët nuk do të mund të kërcejnë valle.

Dasmat do të organizohen vetëm në ambiente të hapura me maksimum 100 mysafirë.

Shpërndaje në rrjete sociale

Lajmet më të lexuara

Të ngjashme

Foto lajm