Ministri Sveçla premton sigurimin shëndetësor dhe jetësor për policët

00:33 | 28 Maj 2021
Trina Galanxhi

Ministri i Brendshëm, Xhelal Sveçla, ka thënë se shumë shpejt do të mundësohet sigurimi shëndetësor dhe jetësor për policët e Kosovës.

Ndonëse nuk dha një datë kur do të jetësohet kjo, Svecla tha se do të ndodhë në të ardhmen e afërt.

“Policëve u duhet sigurimi shëndetësor që të mos mbesin raste sociale pasi të sëmuren dhe të mbesin pa punë”, tha ai.

“Po ashtu na duhet sigurim jetësor. Shumë policë kanë rënë në detyrë. Disa prej familjeve të tyre jetojnë në kushte të rënda dhe shteti nuk po merret me ta. Kjo duhet të ndryshojë”, shtoi ai.

Tutje ai tha se së shpejti në Kuvend do të vije ligji për pensionim të parakohshëm për policët.

“Kemi Policinë më e vjetër. Mosha mesatare është 47 vjet. Shumë shpejt do të vie ligji në Kuvend dhe do të fillojmë procedurat për pensionim të parakohshëm të policëve”, shtoi ai .

Shpërndaje në rrjete sociale

Lajmet më të lexuara

Të ngjashme

Foto lajm